കൊടകര : കൊടകര പുത്തുക്കാവ് ദേവീക്ഷേത്രത്തില്‍ വിജയദശമി ദിനത്തില്‍ പുതുതായി തയ്യാറാക്കിയ നവാഹമണ്ഡപം സരസ്വതി മണ്ഡപമാക്കി എഴുത്തിനിരുത്തല്‍ ചടങ്ങ് നടത്തി. 200 ഓളം കുരുന്നുകള്‍ അറിവിന്റെ ആദ്യാക്ഷരം കുറിച്ചു. എ. രാധാകൃഷ്ണന്‍ ആചാര്യാനായി.
രാവിലെ 6 മണി മുതല്‍ ഭക്തജനതിരക്കനുഭവപ്പെട്ടു. തട്ടകത്തെ അമ്മമാരുടെയും, ആര്‍ട്ട് ഓഫ് ലീവിംഗ് ചാലക്കുടിയിലെ അംഗങ്ങളുടെയും ഭജന നടത്തി. ക്ഷേത്രചടങ്ങുകള്‍ക്ക് മേല്‍ശാന്തി ഹരികൃഷ്ണന്‍ എമ്പ്രാന്തിരി കാര്‍മ്മികത്വം വഹിച്ചു. ദേവസ്വം പ്രസിഡന്റ് എം. സുനില്‍കുമാര്‍, സെക്രട്ടറി സതീശന്‍ തലപ്പുലത്ത് എന്നിവര്‍ മറ്റ് പ്രവര്‍ത്തനങ്ങള്‍ക്ക് നേതൃത്വം നല്‍കി.
