ദുബായ് : യു .എ .ഇ യിലെ പ്രവാസികളായ കൊടകരക്കാരുടെ ഓണാഘോഷം ദുബായിൽ കരാമായിലെ വൈഡ് റേഞ്ച് ഹോട്ടലിൽ നടന്നു. കാലത്ത് 10 മണിക്ക് പൂക്കളം ഇട്ടുകൊണ്ട്‌ ആര്പ്പുവിളികളോടെ ആഘോഷങ്ങൾ ആരംഭിച്ചു . പ്രവാസികളായ നിരവധി കൊടകരക്കാർ ഓണാഘോഷത്തിൽ പങ്കെടുക്കുകയും, വിവിധ കലാകായിക മത്സരങ്ങൾ അരങ്ങേറുകയും ഉണ്ടായി.അതിൽ മുഖ്യമായി, ഓണപ്പാട്ട്, ചിന്തു പാട്ട് , ഡാൻസ്, കവിത, കാളകളി എന്നിവയും , കൂടാതെ നിരവധി സമ്മാനങ്ങളും ഇതോടനുബന്ധിച്ച് നല്കുകയും ഉണ്ടായി. ഉച്ചയ്ക്ക് വിഭവസമൃദ്ധമായ ഓണസദ്യയും ഉണ്ടായി. കൊടകരക്കാർക്ക് വ്യത്യസ്ത അനുഭവം നല്കിയ ഓണാഘോഷത്തിനു വൈകിട്ട് 4 നാലുമണിയോടെ തിരശീല വീണു.
