കൊടകര : കൊടകര സെന്റ് ജോസഫ്‌സ് ഫൊറോന ദേവാലയത്തില്‍ സെന്റ് ജോസഫ്‌സ് പ്രാര്‍ത്ഥനാഗ്രൂപ്പിന്റെ ആഭിമുഖ്യത്തില്‍ അഗാപ്പെ ബൈബിള്‍ ഏകദിന കണ്വെന്ഷന് ഫൊറോന വികാരി ഫാ. അഡ്വ. ഡോ. ജോണ്‍സന്‍ ജി. ആലപ്പാട്ട് ഉദ്ഘാടനം ചെയ്തു.
കണ്വെന്ഷന് തൃശ്ശൂര്‍ കത്തോലിക്കാസഭ എഡിറ്റര്‍ ഫാ. സ്റ്റാര്‍സന്‍ കള്ളിക്കാടന്‍, ജോസഫ് അക്കരക്കാരന്‍, ബ്രദര്‍ ബാബു, ബ്രദര്‍ ജോയ് എന്നിവര്‍ നേതൃത്വം നല്‍കി. വികാരി ഫാ. അഡ്വ. ഡോ. ജോണ്‍സന്‍ ജി. ആലപ്പാട്ട് ആഘോഷമായ ദിവ്യബലിക്ക് നേതൃത്വം നല്‍കി. ജപമാല, ദിവ്യകാരുണ്യ ആരാധന എന്നിവയ്ക്ക് ഫാ. റിജോ ജോയ് തുളുവത്ത്, ജോസഫ് ചെമ്മിഞ്ചേരി എന്നിവര്‍ നേതൃത്വം നല്‍കി. ഇരിങ്ങാലക്കുട രൂപതയുടെ അനുരഞ്ജനവര്‍ഷത്തില്‍ കുമ്പസാരത്തിനും, കൗണ്‍സിലിങ്ങിനും പ്രത്യേക സൗകര്യം ഉണ്ടായിരുന്നു.
