കൊടകര : കോടാലി ഫോട്ടോമ്യൂസിന്റെ ഡയറക്ടര്‍ ഡോ. ഉണ്ണികൃഷ്ണന്‍ പുളിക്കല്‍ സംവിധാനം ചെയ്ത ‘മേക്കിങ് ഓഫ് മൊസാര്‍ട്ട്’ എന്ന ഡോക്യുമെന്ററി സിനിമ ഈവര്‍ഷത്തെ പാരീസ് ഫിലിം ഫെസ്റ്റിവലില്‍ ഏറ്റവും നല്ല ഹ്രസ്വ-ഡോക്യൂമെന്ററിക്കുള്ള അവാര്‍ഡ് കരസ്ഥമാക്കി.
യൂറോപ്യന്‍ സംഗീത ഇതിഹാസമായ മൊസാര്‍ട്ടിന്റെ രചനകള്‍ മനസ്സിലുണ്ടാക്കുന്ന അമൂര്‍ത്തചിത്രങ്ങളെ ഫോട്ടോഗ്രാഫിക് മാധ്യമത്തിലൂടെ ചിത്രമാക്കിയതെങ്ങനെയെന്നാണ് ഈ ഡോക്യുമെന്റെറി പ്രതിപാദിക്കുന്നത്.
സ്വാഭാവികമായി നനഞ്ഞ പ്രതലങ്ങളില്‍ വളരുന്ന പായലില്‍ ഉണ്ടാകുന്ന വര്‍ണരൂപങ്ങളില്‍ ചായക്കൂട്ടുകള്‍ ചേര്‍ത്ത് നിര്‍മിക്കുന്ന അമൂര്‍ത്തചിത്രങ്ങളെ ഫോട്ടോഗ്രാഫി ചെയ്ത് ഡോ.ഉണ്ണികൃഷ്ണന്‍ സൃഷ്ടിച്ച ചിത്രശ്രേണിയെക്കുറിച്ചാണ് ഈ ഡോക്യുമെന്ററി സിനിമ. കലാസ്വാദകര്‍ക്ക് ഈ ഫിലിം ഇപ്പോള്‍ യൂട്യൂബില്‍ കാണാവുന്നതാണ്.
