കൊടകര: ഭൂമിയിലെ ദേവമേളയായ ആറാട്ടുപുഴയിലെ ദേവസംഗമത്തിന് ദേവീസോദരിമാരായ കൊടകര പൂനിലാര്‍ക്കാവ് ഭഗവതിയും അനുജത്തിചാലക്കുടി പിഷാരിക്കല്‍ ഭഗവതിയും ഒന്നിച്ചെഴുന്നള്ളി. ചാലക്കുടി പിഷാരിക്കല്‍ ഭഗവതി ബുധനാഴ്ച രാവിലെ പൂനിലാര്‍ക്കാവിലെത്തുകയും അവിടെ നിറപറയോടെ സ്വീകരിച്ചതിനുശേഷം വിശ്രമിക്കുകയും വൈകീട്ട്്്് ഇരുഭഗവതിമാരും ഒന്നിച്ചെഴുന്നള്ളുകയുമായിരുന്
പണ്ട് കടുപ്പശ്ശേരി ഭഗവതിയും കൊടകരയിലെത്തി 3 ഭഗവതിമാരും ഒന്നിച്ചാണ് പൂരത്തിന് പുറപ്പെടാറുള്ളത്.എന്നാല്‍ ഏതാനും വര്‍ഷങ്ങളായി കടുപ്പശ്ശേരി ഭഗവതി കൊടകരയ്ക്ക് എത്താറില്ല. 3 ഭഗവതിമാര്‍ക്കും കൂടി ആറാട്ടുപുഴയില്‍ പൂരരാവില്‍ 5 ആനയും പഞ്ചാരിമേളവുമായി പൂുരപ്പാടത്ത് എഴുന്നള്ളിപ്പുണ്ട്. മന്ദാരംകടവില്‍ ആറാട്ടിനുശേഷം വ്യാഴാഴ്ച രാവിലെ പൂനിലാര്‍ക്കാവ് ഭഗവതി നേരെ പൂനിലാര്‍ക്കാവിന്റെ കീഴേടമായ കുന്നത്തൃക്കോവില്‍ ശിവക്ഷേത്രത്തിലേക്കാണ് എഴുന്നള്ളുക. വെകീട്ട് 6 മണിയോടെ കുന്നത്തൃക്കോവില്‍നിന്നും പൂനിലാര്‍ക്കാവിലേക്ക് എഴുന്നള്ളിച്ച് ഉത്രം വിളക്ക് നടക്കും. പഞ്ചവാദ്യവും നാദസ്വരവും അകമ്പടിയാകും. ക്ഷേത്രഗോപുരത്തിനുമുമ്പില്‍ പാണ്ടിമേളവും ഉണ്ടാകും. മേളത്തിനുശേഷം മതില്‍ക്കകത്തുപ്രവേശിച്ച് കൊടിക്കല്‍പറയോടെ ഉത്രംവിളക്കിനും പൂരത്തിനും സമാപനമാകും
