കൊടകര : ബന്ധുവിന്റെ വിവാഹം ക്ഷണിക്കാന് പോയ യുവാവ് ബൈക്കിനു പിന്നില് ലോറിയിടിച്ച് മരിച്ചു. കൊടകര കാവില് കോളനിയിലെ പേരാമംഗലത്ത് ലക്ഷ്മണന്റെ മകന് സുധീഷ് (21) ആണ് മരിച്ചത്. ബന്ധുവായ ഉമേഷിനോടൊപ്പം ബൈക്കിന്റെ പിറകില് യാത്രചെയ്യുമ്പോള് പിന്നില്നിന്ന് ലോറി വന്ന് ഇടിക്കുകയായിരുന്നു. ദേശീയപാതയില് ആമ്പല്ലൂര് സെന്ററില്വെച്ച് ചൊവ്വാഴ്ച രാത്രി 7.45 ഓടെയാണ് അപകടം. തൃശ്ശൂര് ജൂബിലി മിഷന് ആസ്പത്രിയിലേക്ക് കൊണ്ടുപോകുംവഴിയായിരുന്നു മരണം. സുധീഷ് കാവടിനിര്മ്മാണ തൊഴിലാളിയാണ്. അമ്മ: അമ്മു. സഹോദരന്: അനീഷ്.