കൊടകര : മറ്റത്തൂര്‍ ശ്രീകൃഷ്ണ ഹൈസ്കൂള്‍ അധ്യാപകനായ പ്രവീണ്‍ എം കുമാറിന്‍റെ ‘ തൂവാനത്തുമ്പികള്‍ വീണ്ടും നനയുമ്പോള്‍’ എന്ന പുസ്തകം ആലപ്പുഴ മുതുകുളത്ത് പത്മരാജന്‍റെ ഇരുപത്തി മൂന്നാം ചരമവാര്‍ഷികത്തിനോടനുബന്ധിച്ച് അദ്ദേഹത്തിന്‍റെ ജന്മഗ്രാമത്തില്‍ നടന്ന അനുസ്മരണ പരിപാടിയില്‍ വച്ച് വെച്ച് പ്രശസ്ത സിനിമാ സംവിധായകനും തിരക്കഥാകൃത്തും ഗാനരചയിതാവുമായ ശ്രീകുമാരന്‍ തമ്പി പ്രകാശനം നിര്‍വഹിച്ചു .
പത്മരാജന്‍റെ ഭാര്യ രാധാലക്ഷ്മി ആദ്യപ്രതി സ്വീകരിച്ചു. ചലച്ചിത്ര – സാഹിത്യ പ്രവര്‍ത്തകരായ സുരേഷ്കുമാര്‍ , മേനക സുരേഷ് , കലാഭവന്‍ റഹ്മാന്‍ ,എക്സ് എം എല്‍ എ ബി ബാബുപ്രാസാദ് , സതീഷ്‌ മുതുകുളം, സജിന്‍ രാഘവന്‍, മുരളി നെല്ലനാട് എന്നിവരോടൊപ്പം പ്രവീണ്‍ എം കുമാറും ചടങ്ങില്‍ പങ്കെടുത്തു. സാഹിത്യ- സിനിമാ നിരൂപണ മേഖലയില്‍ ശ്രദ്ധകേന്ദ്രീകരിച്ച പ്രവീണ്‍ മാഷ് കഴിഞ്ഞ വര്‍ഷത്തെ ഈസ്റ്റ് കോസ്റ്റ് കവിതാ മത്സരത്തിലെ വിജയിയായിരുന്നു. കൊടകരയെ കുറിച്ച് പ്രവീണ്‍ എഴുതിയ രണ്ടു ഗാനങ്ങളും ശ്രദ്ധേയമായിരുന്നു .
പ്രവീണ്‍ മാഷിന് നമ്മുടെ കൊടകര ഡോട്ട് കോമിന്റെ ആശംസകൾ…
