കൊടകര: സേവാഭാരതി കൊടകരയുടെ വാര്‍ഷികത്തോടനുബന്ധിച്ച് കൊടകര പഞ്ചായത്തിലെ പതിനെട്ടാംവാര്‍ഡില്‍ താമസിക്കുന്ന പുത്തന്‍ചിറക്കാരന്‍ സത്യന്‍ എന്നയാള്‍ക്ക് സൗജന്യമായി വീടുനിര്‍മിച്ചുനല്‍കുന്നതിന്റെ കുറ്റിയടിക്കല്‍ ചടങ്ങ് നടന്നു. കൊടകരയിലെ ലോട്ടറി വില്‍പ്പനക്കാരനാണ് സത്യന്‍.
നിരവധി സേവാപ്രവര്‍ത്തനങ്ങള്‍ നടത്തുന്ന സേവാഭാരതി മുമ്പ് മനക്കുളങ്ങരയില്‍ 2 വീടുകളുടെ ശോചനീയാവസ്ഥ പരിഹരിച്ചു വാസയോഗ്യമാക്കി നല്‍കിയിരുന്നു. സേവാഭാരതി കൊടകര പ്രസിഡണ്ട് എം.എന്‍.തിലകന്‍, കമ്മിറ്റിയംഗങ്ങളായ രഞ്ജിത്ത് കാടുവെട്ടി, വത്സന്‍ തോട്ടാപ്പിള്ളി, സുകുമാരന്‍ എം.കെ.,നന്ദകുമാര്‍ ഗാന്ധിനഗര്‍ എന്നിവരുടെ നേതൃത്വത്തില്‍ ഇന്നലെ വീടിന്റെ കുറ്റിയടിക്കല്‍ ചടങ്ങു നടന്നത്. വാസ്തുശാസ്ത്രവിദഗ്ദന്‍ പ്രമോദ് ചടങ്ങിന് നേതൃത്വം നല്‍കി.
