കല്ലേറ്റുംകര : കല്ലേറ്റുംകര റെയിൽവേ ഓവർ ബ്രിഡ്ജിനു സമീപം സ്വകാര്യ ബസ്സും മോട്ടോർ സൈക്കിളും കൂട്ടിയിടിച്ച് ബൈക്ക് യാത്രക്കാരൻ മരിച്ചു. മുരിയാട് കാടുമാക്കൽ പരമേശ്വരന്റെ മകൻ ടിപ്പർ ഡ്രൈവറായ രാമു എന്ന സുഭാഷാണ് (48) മരിച്ചത്. രാത്രി എട്ടു മണിയോടെയാണ് സംഭവം. ഇരിങ്ങാലക്കുട – വെള്ളിക്കുളങ്ങര റൂട്ടിൽ ഓടുന്ന “ജോസ്കോ” എന്ന സ്വകാര്യ ബസ്സും, എതിർ ദിശയിൽ നിന്നും വന്നിരുന്ന മോട്ടോർ സൈക്കിളുമാണ് കൂട്ടിയിടിച്ചത്. ആളൂർ…
കൊടകര : ഗൃഹനാഥനെ സ്വവസതിയില്‍ തൂങ്ങി മരിച്ച നിലയില്‍ കണ്ടെത്തി. കോടാലി മുരിക്കിങ്ങല്‍ ഊമന്‍കുളം ശങ്കരന്‍ (74) ആണ് മരിച്ചത്. വെള്ളിക്കുളങ്ങര പോലിസ് കേസ്സെടുത്തു. സംസ്‌കാരം വ്യാഴാഴ്ച കൊരട്ടി ശ്മശാനത്തില്‍ നടത്തി . ഭാര്യ : പരേതയായ മല്ലിക. മക്കള്‍ : പരേതനായ ബിജു, ബിനു, ബിനി. മരുമക്കള്‍ : ജിനിത, ഗിരീഷ്, ചിന്നു.
വെള്ളിക്കുളങ്ങര പോത്തന്‍ചിറയില്‍ സെപ്റ്റിക് ടാങ്കില്‍ വീണ കാട്ടാനയുടെ ജഡം ക്രെയിന്‍ ഉപയോഗിച്ച് കയറ്റുന്നു. വെള്ളിക്കുളങ്ങര : മറ്റത്തൂര്‍ പഞ്ചായത്തിലെ വെള്ളിക്കുളങ്ങര പോത്തന്‍ചിറയില്‍ സെപ്റ്റിക് ടാങ്കില്‍ വീണ് കാട്ടാന ചരിഞ്ഞു. വനാതിര്‍ത്തിയോട് ചേര്‍ന്ന് ആള്‍താമസമില്ലാത്ത സ്വകാര്യപറമ്പിലെ ഉപയോഗ്യശൂന്യമായ സെപ്ടിക് ടാങ്കിലാണ് കാട്ടാനയുടെ ജഡം കണ്ടെത്തിയത്. ആനയുടെ തലഭാഗം ടാങ്കിലേക്ക് കുത്തിവീണ നിലയിലാണ്. തിങ്കളാഴ്ച രാത്രിയിലാണ് സംഭവമെന്ന് കരുതുന്നു. ഫയര്‍ഫോഴ്‌സും വനംവകുപ്പ് ഉദ്വോഗസ്ഥരും വെള്ളിക്കുളങ്ങര പോലീസും…
കൊടകര : വീട്ടിലെ ഏര്‍ത്ത് കമ്പിയില്‍ നിന്ന് വൈദ്യുതാഘാതമേറ്റ് എല്‍ പി സ്‌കൂള്‍ വിദ്യാര്‍ത്ഥി മരിച്ചു. കൊടകര കാവനാട് പാലക്കല്‍ വിശ്വംഭരന്റെയും നിഷയുടെയും ഏക മകന്‍ ആകര്‍ഷ് ആണ് മരിച്ചത്. കൊടകര ജി. എല്‍ പി സ്‌കൂളിലെ മൂന്നാം ക്ലാസ് വിദ്യാര്‍ത്ഥിയാണ്. വ്യാഴാഴ്ച വൈകീട്ട് 4 മണിയോടെ ആയിരുന്നു സംഭവം. വീട്ടില്‍ കുട്ടിയെ കാണാത്തത്തിനെ തുടര്‍ന്ന് അന്വേഷിച്ചപ്പോഴാണ് ഏര്‍ത്ത് കമ്പിക്ക് സമീപം വൈദ്യുതാഘാതമേറ്റ്…
ചുങ്കാല്‍: ഓട്ടോയും ടിപ്പര്‍ ലോറിയും കൂട്ടിയിടിച്ച് ഓട്ടോ ഡ്രൈവര്‍ മരിച്ചു. ചാലക്കുടി വി.ആര്‍.പുരം പറമ്പിക്കാടന്‍ വീട്ടില്‍ 65 വയസ്സുള്ള ചന്ദ്രന്‍ ആണ് മരിച്ചത്. മറ്റത്തൂരിലെ ചുങ്കാല്‍ പോള്‍സണ്‍പടിക്ക് സമീപം വ്യാഴാഴ്ച ഉച്ചയോടെയാണ് അപകടം. കൊടകര പുലിപ്പാറക്കുന്ന് കുറ്റിക്കാടന്‍ ജസീന, മകന്‍ ജെറിന്‍, ബന്ധു റീന, ടിപ്പര്‍ലോറി ഡ്രൈവര്‍ എന്നിവര്‍ക്കാണ് പരിക്കേറ്റത്. പരിക്കേറ്റവരെ ചാലക്കുടിയിലെ സ്വകാര്യ ആശുപ്ത്രിയില്‍ പ്രവേശിപ്പിച്ചു.
കൊടകര പുലിപ്പാറക്കുന്ന് പെട്രോള്‍ പമ്പ് ജംഗ്ഷനിലെ റോഡില്‍ അപകടകരമായ രീതിയിലുള്ള കുഴികള്‍. കൊടകര : കൊടകര – ആളൂര്‍ റോഡില്‍ ഗര്‍ത്തങ്ങള്‍ നിറഞ്ഞത് ഇതിലൂടെയുള്ള യാത്ര ദുരിതമേറ്റുന്നു. പുലിപ്പാറക്കുന്ന് പെട്രോള്‍ പമ്പ് ജംഗ്ഷനിലെ വലിയ ഗര്‍ത്തങ്ങളിലൂടെയുള്ള ഇരുചക്രവാഹനങ്ങളുടെ യാത്ര അപകടഭീഷണിയാണ്. കാല്‍നടയാത്രക്കാര്‍ക്കും വാഹനയാത്രികര്‍ക്കും ബുദ്ധിമുട്ട് ഉണ്ടാക്കുന്ന ഇത്തരം കുഴികള്‍ നികത്തി സുഗമമായ യാത്രക്ക് സൗകര്യമൊരുക്കണമെന്നാണ് നാട്ടുകാരുടെ ആവശ്യം.
കൊടകര : സ്വിമ്മിങ്ങ് പൂളില്‍ വീണ് ഒന്നരമാസമായി ചികിത്സയിലിരുന്ന ഒന്നരവയസ്സുകാരി മരിച്ചു. കൊടകര കനകമല കുയിലാടന്‍ ഷൈജന്‍-വിദ്യ ദമ്പതികളുടെ മകള്‍ അമേലിയയാണ് ആലുവയിലെ സ്വകാര്യ ആശുപത്രിയില്‍ മരിച്ചത്. സംസ്‌കാരം കനകമല സെന്റ് ആന്റണീസ് പള്ളി സെമിത്തേരിയില്‍ നടത്തി.
കൊടകര : ടയര്‍ പൊട്ടിയതിനെത്തുടര്‍ന്ന് നിയന്ത്രണം വിട്ട തടികയറ്റിയ ലോറി മറിഞ്ഞ് അപകടം. ദേശീയപാതയില്‍ കൊടകര പോലീസ് സ്‌റ്റേഷനുസമീപം പെരിങ്ങാംകുളത്ത്് ചൊവ്വാഴ്ച രാവിലെ 11 മണിയോടെയായിരുന്നു അപകടം. തൃശൂരില്‍നിന്നും പെരുമ്പാവൂരിലേക്ക് പോവുകയായിരുന്നു തടി കയറ്റിയ ലോറി. അപകടത്തില്‍ ആര്‍ക്കും പരിക്കില്ലെങ്കിലും ദേശീയപാതയില്‍ ഏറെനേരം ഗതാഗത തടസ്സമുണ്ടായി.
കൊടകര : തോട്ടം മേഖലയായ ചൊക്കനയില്‍ കഴിഞ്ഞ രാത്രിയില്‍ കാട്ടാനക്കൂട്ടമിറങ്ങിയത് ടാപ്പിങ്ങ് തൊഴിലാളികളെ ഭീതിയിലാഴ്ത്തി. ചൊക്കന എസ്റ്റേറ്റ് ഗ്രൗണ്ടിനുസമീപമാണ് കാട്ടാനകള്‍ ഇറങ്ങിയത്. രാത്രിമുഴുവന്‍ റോഡിലും റബ്ബര്‍തോട്ടത്തിലും വിഹരിച്ച കാട്ടാനക്കൂട്ടം ഇന്നലെ രാവിലെയാണ് കാട്ടിലേക്കു പോയത്. റോഡരികിലെ എണ്ണപ്പന കാട്ടാന തിന്ന് നശിപ്പിച്ചു. തോട്ടത്തിലെ തെങ്ങും മറിച്ചിട്ടിട്ടുണ്ട്. ഇന്നലെ രാവിലെ തോട്ടം തൊഴിലാളികള്‍ എത്തുമ്പോള്‍ കാട്ടാനകള്‍ ചൊക്കനയിലെ റോഡില്‍ കൂട്ടമായി നില്‍ക്കുകയായിരുന്നുവെന്ന് തൊഴിലാളികള്‍ പറഞ്ഞു.
കൊടകര: മലയോര ഗ്രാമമായ മറ്റത്തൂര്‍ പഞ്ചായത്തിലെ വെള്ളിക്കുളങ്ങരക്കടുത്ത ഇത്തനോളിയില്‍ മലവെള്ളപ്പാച്ചിലും മണ്ണിടിച്ചിലും. ശക്തമായ മലവെള്ളപ്പാച്ചിലും മണ്ണിടിച്ചിലും മൂലം താഴ്വാരത്തെ 11 കുടുംബങ്ങളെ മാറ്റിപാര്‍പ്പിച്ചു. 6 വീട്ടുകാരെ ബന്ധുവീടുകളിലേക്കും 5 കുടുംബങ്ങളെ വെള്ളിക്കുളങ്ങര സര്‍ക്കാര്‍ യു.പി സ്‌കൂളിലേക്കുമാണ് മാററിയത്. ശക്തമായ മലവെള്ളച്ചാലില്‍ കോളനിയിലെ വീടുകളിലേക്ക് വെള്ളം കയറി. മുന്‍കരുതലെന്ന നിലയിലാണ് ഇത്തനോളി പ്രദേശത്തെ കുടുംബങ്ങളെ മാറ്റി പാര്‍പ്പിച്ചത്. ഇന്നലെ വൈകീട്ട് 7 മണിയോടെയാണ്…