കൊടകര: നടനും മിമിക്രി കലാകാരനുമായ കലാഭവന് ജയേഷ് (38) അന്തരിച്ചു. കൊടകര മറ്റത്തൂര് വാസുപുരം ഇല്ലിമറ്റത്തില് ഗോപിമോനോന് -അരിക്കാട്ട് ഗൗരിയമ്മ ദമ്പതികളുടെ മകനാണ്. കഴിഞ്ഞ ഒരു വര്ഷത്തോളമായി അര്ബുദബാധയെത്തുടര്ന്ന് ചികിത്സയിലായിരുന്നു.
ഞായറാഴ്ച വൈകീട്ട് 7 മണിയോടെ കൊടകരയിലെ സ്വകാര്യആശുപത്രിയിലായിരുന്നു അന്ത്യം. കൊച്ചിന് കലാഭവനിലൂടെ കലാരംഗത്തേക്കുവന്ന ജയേഷ് മിമിക്രികലാകാരനായി ഒട്ടനവധി വേദികള് പങ്കിട്ടിരുന്നു. സുസുസുധി വാത്മീകം, പ്രേതം 2 എന്നിങ്ങനെ നിരവധി സിനിമകളിലും അഭിനിയിച്ചിട്ടുണ്ട്. മെഗാ-കോമഡി ഷോകളിലും ഏകാംഗഹാസ്യാവതരണവേദകളിലും ശ്രദ്ധേയ സാന്നിധ്യമായിരുന്നു.
വേറിട്ട അഭിനയചാതുരിയോടെ ചാക്യാരുടെ വേഷവുമായി രംഗത്തെത്തിയ ജയേഷിന്റെ ഹാസ്യാനുകരണം സഹൃദയ ശ്രദ്ധ പിടിച്ചുപറ്റിയിരുന്നു. ഏതാനും വര്ഷം മുമ്പ് ഇദ്ദേഹത്തിന്റെ മകന് മരിച്ചിരുന്നു. ഭാര്യ: സുനജ. മകള്: ശിവാനി. സഹോദരന്: ജ്യോതിഷ്ബാബു.
