കൊടകര: തൃശൂര് റൂറല് സ്റ്റുഡന്റ് പോലീസ് കേഡറ്റ്യുടെ നേതൃത്വത്തില് കൊടകര കുടുംബാരോഗ്യ കേന്ദ്രത്തിലേക്ക് ഓക്സി മീറ്ററുകള് നല്കി.കോവിഡ് വ്യാപനം രൂക്ഷമായ സാഹചര്യത്തില് ആശുപത്രികളില് ഓക്സി മീറ്ററുകളുടെ ലഭ്യത കുറവ് മനസ്സിലാക്കിയാണ്എസ്.പി.സി തൃശൂര് റൂറലിലെ അദ്ധ്യാപകരും കേഡറ്റുകളും റൂറല് എഡിഎന്ഒ യുടെ നേതൃത്വത്തില് ജില്ലയിലെ ആശുപത്രികള്ക്ക് ഓക്സി മീറ്ററുകള് നല്കാന് തീരുമാനിച്ചത്.
പള്സ് ഓക്സീമീറ്ററുകളുടെ വിതരണോദ്ഘാടനം ഗ്രാമ പഞ്ചായത്ത് പ്രസിഡന്റ് അമ്പിളി സോമന് നിര്വ്വഹിച്ചു. തൃശ്ശൂര് റൂറല് ADNO ടി. ആര് മനോഹരന് അമ്പിളി സോമന് 10 പള്സ് ഓക്സിമീറ്ററുകള് കൈമാറി. ജൂനിയര് ഹെല്ത്ത് ഇന്സ്പെക്ടര് കെ. പി. ജോബി, വൈസ് പ്രസിഡന്റ് കെ. ജി. രജീഷ്വാര്ഡ് മെമ്പര്മാരായ ദിവ്യ ഷാജു, പ്രനില ഗിരീശന്, സ്വപ്ന സത്യന്, കൊടകര ബോയ്സ് സി.പി.ഒ പി യു സന്ധ്യ എന്നിവര് പങ്കെടുത്തു
