കൊടകര : തേശ്ശേരി ചീക്കാമുണ്ടി മഹാവിഷ്ണുക്ഷേത്രത്തില്‍ നവീകരണകലശക്രിയകള്‍ക്ക് 29 ന് തുടക്കമാവുമെന്ന് ക്ഷേത്രഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു. 29 ന് ആചാര്യവരണം, ശുദ്ധി ,അസ്ത്രകലശപൂജ, വിവിധഹോമങ്ങള്‍, വാസ്തുബലി, മുളയിടല്‍ എന്നിവയുണ്ടാകും. ഏപ്രില്‍ 3 ന് വലിയപാണി, അഷ്ടബന്ധന്യാസം, ഭദ്രകാളി പ്രതിഷ്ഠ, നാഗപ്രതിഷ്ഠ, ബ്രഹ്മകലശാഭിഷേകം, എന്നിവ നടക്കും.
അന്നേദിവസം വൈകീട്ട് ധര്‍മദൈവസംഗമവും ഉത്സവത്തിന്റെ കൊടിയേറ്റും നടക്കും. ഉത്സവദിവസങ്ങളഇല്‍ നിത്യവും ശ്രീഭൂതബലി, കലശം എന്നിവയുണ്ടാകും. ഏപ്രില്‍ 5 ന് രാവിലെ 9.30 ന് പൊങ്കാലയും രാത്രി 11 ന് മഹാഗുരുതിയും നടക്കും. ഏപ്രില്‍ 7 ന് ഉത്സവബലി, 8 ന് പള്ളിവേട്ടയും നടക്കും. പള്ളിവേട്ടദിവസം രാവിലെ 9 ന് ശിവേലി, വൈകീട്ട് 4 ന് കാഴ്ചശിവേലി, എഴുന്നള്ളിപ്പ്, മേളം, രാത്രി 8 ്‌ന പള്ളിവേട്ട,പാണ്ടിമേളം, തുടര്‍ന്ന് പള്ളിക്കുറുപ്പ് എന്നിവവയുണ്ടാകും.
9 ന് രാവിലെ ആറാട്ടോടെ ഉത്സവത്തിന് സമാപനമാകും. ക്ഷേത്രച്ചടങ്ങുകള്‍ക്ക് തന്ത്രി ഡോ ടി.എസ്.വിജയന്‍ കാരുമാത്ര, മേല്‍ശാന്തി മനോജ് ശാന്തി എന്നിവര്‍ കാര്‍മികത്വം വഹിക്കും. മേളത്തിന് ചേന്ദമംഗലം രഘുമാരാര്‍ നേതൃത്വം നല്‍കും. വാര്‍ത്താസമ്മേളത്തില്‍ ക്ഷേത്രസംരക്ഷണസമിതി പ്രസിഡണ്ട് എന്‍.പി.ശിവന്‍, കെ.ആര്‍.നാരായണന്‍, വി.എ.ചന്ദ്രന്‍നായര്‍, കെ.ഐ.പുരുഷോത്തമന്‍ എന്നിവര്‍ പങ്കെടുത്തു.
