കോടാലി:സുസ്ഥിര പുതുക്കാട് വികസന പദ്ധതിയുടെ ഭാഗമായി മറ്റത്തൂര് പഞ്ചായത്തില് നടപ്പാക്കുന്ന ജൈവവൈവിധ്യ ഉദ്യാനപദ്ധതിയുടെ ഉത്ഘാടനം മൂന്നുമുറി ശ്രീലക്ഷ്മി തിയേറ്ററില് മന്ത്രി ഡോ. എം.കെ. മുനീര് ഇന്ന് കാലത്ത് നിര്വ്വഹിച്ചു. പ്രൊഫ. സി. രവീന്ദ്രനാഥ് എം.എല്.എ. അധ്യക്ഷത വഹിച്ചു.
ഇന്ന് സംജാതമായിക്കൊണ്ടിരിക്കുന്ന
കദളീവനം വിപുലീകരണ പദ്ധതി, റോബസ്റ്റ ഗ്രാമം, പുഷ്പഗ്രാമം, മാന്തോപ്പ് പദ്ധതി, ബയോഗ്യാസ് വ്യാപനപദ്ധതി എന്നിവയാണ് നടപ്പാക്കുന്നത്. ഗുരുവായൂര് ക്ഷേത്രത്തിലേക്ക് ആവശ്യമായ കദളിപ്പഴം ലഭ്യമാക്കാന് ഉദ്ദേശിച്ചുകൊണ്ട് മറ്റത്തൂര് ലേബര് കോ-ഓപ്പറേറ്റീവ് സൊസൈറ്റിയുടെ സഹകരണത്തോടെ കദളിവാഴകൃഷി വിപുലീകരിക്കുന്നതാണ് കദളീവനം പദ്ധതി. കുടംബശ്രീക്കു കീഴിലുള്ള ബാലസംഘം പ്രവര്ത്തകരാണ് പുഷ്പഗ്രാമം പദ്ധതി നടപ്പാക്കുക. ഓണക്കാലത്തേക്കാവശ്യമായ പൂക്കള് ഉല്പ്പാദിപ്പിച്ച് കുട്ടികളില് സമ്പാദ്യശീലവും സ്വാശ്രയത്വവും വളര്ത്താന് ലക്ഷ്യമിട്ടാണ് പഷ്പഗ്രാമം ഒരുക്കുന്നത്.
റോബസ്റ്റ് വാഴകൃഷി വിപുലീകരിക്കുക, നാട്ടുമാവുകള് വച്ചു പിടിപ്പിക്കുക, മാലിന്യസംസ്കരണത്തിന് പകുതി തുക സബ്സിഡി നല്കിക്കൊണ്ട് ബയോഗ്യാസ് പ്ലാന്റുകള് എന്നിവയാണ് മറ്റു പദ്ധതികള്. റോബസ്റ്റ കന്ന് വിതരണോദ്ഘാടനം പി.സി. ചാക്കോ എം.പി.യും നിവേദ്യകദളി കന്ന് വിതരണോദ്ഘാടനം ഗുരുവായൂര് ദേവസ്വം ചെയര്മാന് ടി.വി. ചന്ദ്രമോഹനും നിര്വഹിക്കും. മറ്റത്തൂര് പഞ്ചായത്ത്, കുടുംബശ്രീ മിഷന്, മറ്റത്തൂര് ലേബര് കോ-ഓപ്പറേറ്റീവ് സൊസൈറ്റി എന്നിവ സംയുക്തമായാണ് പദ്ധതി നടപ്പിലാക്കുക.
കടപ്പാട് : ലോനപ്പൻ , സുസ്ഥിര പുതുക്കാട് വികസന പദ്ധതി & അനിത ദേവസ്യ[divider] [divider]
[vcfb id=385035411612830 w=640 h=385][divider][vcfb id=385054921610879 w=640 h=385]