കൊടകര: കാറിടിച്ച് പരിക്കേറ്റ് വഴിയോരത്ത് കിടന്ന കുളക്കോഴിക്ക് മാധ്യമ പ്രവര്‍ത്തകരുടെ സമയോചിതമായ പരിചരണം ജീവന്‍ തിരിച്ചുനല്‍കി. വല്ലപ്പാടി-കാവനാട് റോഡിലെ പാടത്താണ് കുളക്കോഴിയെ കാറിടിച്ചത്.
ഇതുവഴി ബൈക്കില്‍ വന്ന മാധ്യമപ്രവര്‍ത്തകരായ ശ്രീധരന്‍ കളരിക്കലും ലോനപ്പന്‍ കടമ്പോടുമാണ് റോഡരുകില്‍ വീണുകിടന്ന് പിടയുകയായിരുന്ന കുളക്കോഴിയെ കണ്ടത്. ഇവര്‍ കുളക്കോഴിയെ കയ്യിലെടുത്ത് പരിചരണം നല്‍കിയതിനെ തുടര്‍ന്ന് ഈ ജലപക്ഷി നടക്കാനുള്ള ആരോഗ്യം വീണ്ടെടുത്തു. അരമണിക്കൂര്‍ സമയത്തെ പരിചരണം കൊണ്ട് പൂര്‍ണ ആരോഗ്യം വീണ്ടെടുത്ത കുളക്കോഴിയെ സമീപത്തെ പാടത്തേക്ക് വിട്ടു.
