കൊടകര:പൂനിലാര്‍ക്കാവ് ദേവീക്ഷേത്രത്തിലെ തൃക്കാര്‍ത്തിക വെള്ളിയാഴ്ച ആഘോഷിക്കും. പുലര്‍ച്ചെ 3 ന് പള്ളിയുണര്‍ത്തല്‍,4 ന് അഷ്ടപദി,6 ന് ഉഷപൂജ,8.30 ന് ശ്രീഭൂതബലി, ശിവേലി, മേളം, തുടര്‍ന്ന് കളഭാഭിഷേകം, ഉച്ചപൂജ, വൈകീട്ട് 7 ന് കേളി, കൊമ്പുപറ്റ്, കുഴല്‍പറ്റ്, കാവില്‍ പടിഞ്ഞാറേ നട കൂട്ടായ്മയുടെ താലിവരവ്, തുടര്‍ന്ന് കാര്‍ത്തിക വിളക്ക്, വിളക്കാചാരം, ഇടയ്ക്കാപ്രദക്ഷിണം എന്നിവയുണ്ടാകും.
ക്ഷേത്രച്ചടങ്ങുകള്‍ക്ക് തന്ത്രിമാരായ തെക്കേടത്ത് പെരുമ്പടപ്പ് ദാമോദരന്‍ നമ്പൂതിരി,അഴകത്ത് ഹരിദത്തന്‍ നമ്പൂതിരി,മേല്‍ശാന്തി നടുവത്ത് പത്മനാഭന്‍ നമ്പൂതിരി, പുത്തുകാവ് മഠത്തില്‍ വെങ്കിടേശ്വരന്‍ എമ്പ്രാന്തിരി എന്നിവര്‍ കാര്‍മികത്വം വഹിക്കും.
