കൊടകര ഗ്രാമപഞ്ചായത്തിന്റെ സാസ്‌കാരിക സമന്വയം പദ്ധതിയുടെ ഭാഗമായി നടന്ന കാവ്യസദസ്സില്‍ ഏങ്ങണ്ടിയൂര്‍ ചന്ദ്രശേഖരന്‍ കവിത ചൊല്ലുന്നു.
കൊടകര : കൊടകര ഗ്രാമപഞ്ചായത്തിന്റെ ‘സാംസ്‌കാരിക സമന്വയം’ പദ്ധതിയുടെ ഭാഗമായി നടന്ന കാവ്യസദസ്സില്‍ ഏങ്ങണ്ടിയൂര്‍ ചന്ദ്രശേഖരന്‍ കവിത ചൊല്ലി. ഗവ. എല്‍.പി. സ്‌കൂള്‍ അങ്കണത്തില്‍ നടന്ന ചടങ്ങില്‍ ആരോഗ്യ – വിദ്യാഭ്യാസ സ്റ്റാന്റിംഗ് കമ്മിറ്റി ചെയര്‍പേഴ്‌സണ്‍ അമ്പിളി സോമന്‍ അദ്ധ്യക്ഷത വഹിച്ചു.
ക്ഷേമകാര്യ സ്റ്റാന്റിംഗ് കമ്മിറ്റി ചെയര്‍മാന്‍ കെ.ആര്‍. സോമന്‍, വാര്‍ഡ് മെമ്പര്‍ പി.എം. കൃഷ്ണന്‍കുട്ടി എന്നിവര്‍ സംസാരിച്ചു. ലൈബ്രേറിയന്‍ ജയന്‍ അവണൂര്‍ സ്വാഗതവും, ഇ.കെ. രാജലക്ഷ്മി നന്ദിയും പറഞ്ഞു.
