കൊടകര: നെല്ലായി വയലൂര്‍ മഹാദേവക്ഷേത്രത്തിലെ ശിവരാത്രി മഹോത്സവത്തോടനുബന്ധിച്ച ഏകാദശി വിളക്ക് ഭക്തിസാന്ദ്രമായി. രാവിലെ ഉത്സവബലിദര്‍ശനം നടന്നു. വൈകീട്ട് മട്ടന്നൂര്‍ശങ്കരന്‍കുട്ടിമാരാരും മക്കളായ ശ്രീരാജ്, ശ്രീകാന്ത് എന്നിവര് ചേര്‍ന്നൊരുക്കിയ തൃത്തായമ്പക ആസ്വാദകര്‍ക്ക് അനുഭൂതിയായി.
തുടര്‍ന്ന് നടന്ന ഏകാദശിവിളക്കിന് ചോറ്റാനിക്കരക വിജയന്‍മാരാരുടെ നേതൃത്ത്വത്തില്‍ മേജര്‍സെറ്റ് പഞ്ചവാദ്യവുമുണ്ടായി. ശിവരാത്രി ദിവസ രാവിലെ നടക്കുന്ന പഞ്ചാരിമേളത്തിന് പെരുവനം സതീശന്‍മാരാര്‍ നേതൃത്വം നല്‍കും.
