മറ്റത്തൂര്‍ : ശ്രീകൃഷ്ണ ഹൈസ്കൂളില് ഫുട്ബോള് ക്ലബിന്‍റെ ആഭിമുഖ്യത്തില്‍ നടന്ന ഷൂട്ട് ഔട്ട് മേള ശ്രദ്ധേയമായി . കുരുന്നു കായികതാരം ശ്രീരാഗിന് ഫുട്ബോള് നല്‍കികൊണ്ട് ഹെഡ്മിസ്ട്രസ് എം മഞ്ജുള , ഷൂട്ട് ഔട്ട് മേള ഉദ്ഘാടനം ചെയ്തു .
മൂന്ന്‍ വിഭാഗങ്ങളായി നടന്ന വാശിയേറിയ മത്സരത്തില്‍ പ്രൈമറി വിഭാഗത്തില്‍ ആദിത്യന്‍ കെ യും സെക്കണ്ടറി സ്കൂള്‍ വിഭാഗത്തില്‍ അമല്‍ വില്‍സനും വിജയിയായി , നാട്ടുകാര്‍ക്ക് വേണ്ടിയുള്ള മത്സരത്തില്‍ നിജോ സി ജെ ക്കാണ് ഒന്നാം സ്ഥാനം . വിദ്യാര്‍ഥികളും പൂര്‍വ്വ വിദ്യാര്‍ഥികളും നാട്ടുകാരും ഉള്‍പ്പെടെ നൂറ്റി നാല്‍പത്തി രണ്ട് കായികതാരങ്ങള്‍ ഷൂട്ട് ഔട്ട് മേളയില്‍ പങ്കെടുത്തു .
വിജയികള്‍ക്കുള്ള ട്രോഫികളും ക്യാഷ് അവാര്‍ഡും സി .കെ രഘുനാഥ് വിതരണം ചെയ്തു . ജില്ലാ പഞ്ചായത്ത് അംഗം ജയ്മോന്‍ ജോസഫ്‌ ,പ്രവീണ്‍ എം കുമാര്‍ , പി ഡി ഷോളി , ബിജു വര്‍ഗീസ്‌ എന്നിവര്‍ ചടങ്ങില്‍ സംബന്ധിച്ചു .
