Breaking News

ഗ്രാമീണ മാധ്യമപ്രവര്‍ത്തന രംഗത്ത് മുപ്പതുവര്‍ഷം പിന്നിട്ട ലോനപ്പന്‍ കടമ്പോടിനെ ഈ മാസം 11ന് കൊടകരയിലെ പൗരാവലി സുവര്‍ണതൂലിക സമ്മാനിച്ച് ആദരിക്കും

Apple

കൊടകര: ഗ്രാമീണ മാധ്യമപ്രവര്‍ത്തന രംഗത്ത് മുപ്പതുവര്‍ഷം പിന്നിട്ട ലോനപ്പന്‍ കടമ്പോടിനെ ഈ മാസം 11ന് കൊടകരയിലെ പൗരാവലി സുവര്‍ണതൂലിക സമ്മാനിച്ച് ആദരിക്കുമെന്ന് സംഘാടകസമിതി ഭാരവാഹികള്‍ കൊടകരയില്‍ അറിയിച്ചു. ശനിയാഴ്ച വൈകുന്നരം 6ന് കൊടകര പഞ്ചായത്ത് കമ്യൂണിറ്റി ഹാളില്‍ നടക്കുന്ന വാര്‍ത്തായനം എന്ന പേരിലുള്ള പരിപാടി മന്ത്രി പ്രൊഫ.സി.രവീന്ദ്രനാഥ് ഉദ്ഘാടനം ചെയ്യും.

ബി.ഡി.ദേവസി എം.എല്‍.എ. അധ്യക്ഷത വഹിക്കും. സുവര്‍ണതൂലിക സമര്‍പ്പണം മന്ത്രിയും സുവര്‍ണമുദ്രസമര്‍പ്പണം എഴുത്തുകാരന്‍ മാടമ്പ് കുഞ്ഞുകുട്ടനും ഉപഹാരസമര്‍പ്പണം ഇന്നസെന്റ് എം.പി.യും നിര്‍വഹിക്കും. സി.എന്‍.ജയദേവന്‍ എം.പി. പുഷ്പഹാരവും പത്മശ്രീ പെരുവനം കുട്ടന്‍മാരാര്‍ പ്രശസ്തി പത്രവും സമ്മാനിക്കും. അനില്‍ അക്കര എം.എല്‍.എ മംഗളപത്രം നല്‍കും.

കെ.രാജന്‍ എം.എല്‍.എ. പൊന്നാട ചാര്‍ത്തും. നടന്‍ ജയരാജ് വാര്യര്‍ മുഖ്യപ്രഭാഷണം നടത്തും. മനുഷ്യാവകാശപ്രവര്‍ത്തകന്‍ ജോയ് കൈതാരത്ത് ലോനപ്പന്‍ കടമ്പോടിനെ പരിചയപ്പെടുത്തും. പെരിങ്ങോട് സുബ്രഹ്മണ്യനും സംഘവും അവതരിപ്പിക്കുന്ന ഇടയ്ക്ക വിസ്മയവും തൃശൂര്‍ നാടകവേദിയുടെ അച്ഛന്റെ ഒറ്റമകന്‍ എന്ന നാടകവും ഇതോടനുന്ധിച്ച് അരങ്ങേറും. വാര്‍ത്താസമ്മേളനത്തില്‍ കൊടകര ഗ്രാമപഞ്ചായത്ത് പ്രസിഡന്റും സംഘാടകസമിതി ചെയര്‍മാനുമായ പി.ആര്‍.പ്രസാദന്‍, ജനറല്‍ കണ്‍വീനര്‍ ടി.എ. രാജന്‍ബാബു, ട്രഷറര്‍ കൊടകര ഉണ്ണി എന്നിവര്‍ പങ്കെടുത്തു.

EverGreen

Related posts

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.