അധികം പഴുക്കാത്ത നേന്ത്രപഴം – 5 , വലുത്
മുട്ട – 6
പഞ്ചസാര – 12 tsp, നിറയെ
അണ്ടിപരിപ്പ് – കുറച്ച
കിസ്മിസ് – കുറച്
ഏലക്ക പൊടി – ഒരു നുള്ള്
നെയ്യ് – 1 tbsp
ഓയില്‍ – വറുക്കാന്‍ ആവശ്യത്തിന്
പഴം തൊലിയോട് കൂടി രണ്ടായി മുറിച്ച് , ഒരു പ്രഷര്‍ കുക്കറില്‍ കുറച്ച് വെള്ളംഒഴിച്ച് വേവിക്കുക.
ഒരു വിസില്‍ വന്നാല്‍ ഓഫ്‌ ചെയ്യുക.
ഇത് നന്നായി അരച്ചെടുക്കുക. (അമ്മിക്കല്ലില്‍ അല്ലെങ്കില്‍ വെറ്റ് ഗ്രിന്ടെരിലോ അരക്കണം. മിക്സിയില്‍ അരക്കരുത് …അല്ലെങ്കില്‍ കട്ടയില്ലാതെ ഉടച്ചെടുക്കുക.)
മുട്ട പഞ്ചസാരയും ഏലക്ക പൊടിയും ചേര്‍ത്ത് സ്പൂണ്‍ കൊണ്ട് അടിക്കുക.
ഒരു പാനില്‍ നെയ്യ് ചൂടാക്കി അണ്ടി പരിപ്പും കിസ്മിസും വറുത്ത് മാറ്റി വെക്കുക.
അതെ പാനില്‍ മുട്ട അടിച്ചത് ചേര്‍ത്ത് ചിക്കിയെടുക്കുക.
ഇതിലേക്ക് വറുത്ത്വെച്ചിരിക്കുന്ന അണ്ടി പരിപ്പും കിസ്മിസും ചേര്‍ക്കുക.
പഴം അരച്ചതില് നിന്നും ഒരു ചെറുനാരങ്ങ വലുപ്പത്തില്‍ ഉരുളകള്‍ ആക്കി കൈ വെള്ളയില്‍ വെച്ച് പരത്തുക.( മുകളിലെ ചിത്രം നോക്കുക)
ഇതില്‍ മുട്ട മിശ്രിതം വെച്ച് എല്ലാ ഭാഗത്ത് നിന്നും മൂടി രണ്ട കൈ ചേര്‍ത്ത് ഉരുട്ടി ഉന്നക്കായ്‌ ഷേപ്പ് ആകിയെടുക്കുക.
ഓയില്‍ ചൂടാക്കി ഉന്നക്കായ്‌ ഗോള്ടെന്‍ ബ്രൌണ്‍ നിറത്തില്‍ വറുത്ത് കോരുക.
